Pameunteu Calon papayung nagri, ngembang wera. Mireng talajak Nyi Ronggeng nu rarayna leucir siga kaca.. Ngangseu bahaya. Gulang-gulang di perih pati, sina meper Nyi Ronggeng supados liren ngical eusi bahamna. Gagal ku cara leuleuy. Cara heuras janten pilihan. Bumi nyi Ronggeng di kepung ti sagala juru, “ Kaluarr… siah Ronggeng Gejul !”, sorongot sora, awor jeung ting belesatna batu. Nyi Ronggeng teu ieuh geumpeur, srog ka hareup. Ngadu teuteup jeung Gulang-gulang. Sakedapan simpe !, Nyi Ronggeng bebelengehan, wel, ngalebetkeun seureuh salambar, nu tos diledakkeun kana apu. Kecrot-kecrot Nyi Ronggeng ngaluah, nu niat ngarempug mundur, Nyi ronggeng nyengir. Borelak, waosna ngaborelak. Luah amarayah. Gulang-gulang patulayah, teu kiat nandang komarana. “ Cinta satu malam !, Oh Indahnya !, Cinta satu malam buat ku melayang ! “, Nyi Ronggeng ngahaleuang, Imbitna muih, ngagibleg mirig awak pepel nu teras rerengkenekan. Di sisi-sisi jalan, rewuan baliho, ngaplek, pameunteu calon papayung nagri ngulahek, muruluk, nyangsaya luhureun lemah. Cipruk lamokot ku ciduh, nu muncrat ti unggal baham nu ngaraliwat.
Koméntar kana ieu Fikmin:
- Yanti Sri Budiarti: Dongeng Nyi Ronggeng teh naha ngaharib-harib Ma Lampir Kang..? he he he...Mung sawios ah.. Nu diemutan teh eta waos. Pami nuju nyeupah atanapi ngalemar mah tangtos waosna teh beureum sanes ngaborelak...he he he
- Irman Dimyatie: Ngaborelak beureum....
- Cassa Grande: Haruh. Raos yeuh kalimah2na. Sanaos aya ngajlok kana lagu malayu ogé. Jempol, Kang
- Ahmad Yani: Yanti Sri Budiarti : Oh ...sumuhunnya kedahna beureum ! ...haduh ! muhun ah ...engke bade di tip-ex ...Nun ! heu heu heu. Hatur nuhun kana koreksina Neng ! katampi pisan !
- Didin Tulus: bet inget ka bu Inul
- Ahmad Yani: Ang Irman Dimyatie ! heu heu heu ... Ni Kitu ? hi hi hi hi !
- Ahmad Yani: Cassa Grande : eta teh lagu kameumeutna Nyi Ronggeng, janten di serat aslina ! he he he he, hatur nuhun Ang ! katampi jempolna !
- Iwan Hanjuang: empiris pisan ieu karya,aya rasa emosi nu ngagegegedeg,siaaaaapppp grak!!!
- Endah Dinda Jenura: pol pol poooolll....
- Muhammad Shohiba Nu'man: Asiiik pisaan..! Tanagaan pisan fikmin teh, Ang! Digoyaang maaang...! heuheu
- Nugraha Thea: teu kabayang ku pepelna eta ronggeng, pepel siga jagong.. mreun nya kang hehehe, gara2 salah alamat, terjadi cinta satu malam heug weh hamil tiga bulan.
- Nugraha Thea: teu kabayang ku pepelna eta ronggeng, pepel siga jagong.. mreun nya kang hehehe, gara2 salah alamat, terjadi cinta satu malam heug weh hamil tiga bulan.
- Rohendi Pandeglang: halah nu kieu yeuh fikmin, impian kula teh... sing benghar daek salamet... resep jasa ka... top.. mangga tah hop jempul mangrebu rebu
- Jojo Johari: Muihna jiga kolecer katebak angin badag? heuheuheu
- Ahmad Yani: @ Ang@Didin Tulus ! heu heu ... emut kana ilmbitna rupinamah ha ha ha!. Hatur nuhun Ang ! Wilujeng Wengi !
- Ahmad Yani: Ang Iwan Hanjuang ! ha ha ha , benten ari mantan Tangtara mah !, maher kana PBB ( Pencinta Buah Berenuk ! ) ha hah ha ha !
- Ahmad Yani: Neng Endah Dinda Jenura ! , heu heu ....nuhun kana Pool -poolllan na !
- Ahmad Yani: Ang Muhammad Shohiba Nu'man : he he he ...Nuju emut ka Neng Malinda , urang Cirebon tea ! manawi Ang ! heu heu heu , siaplah ! urang ngagoyang dombrettt ! hi hi hi ! Nuhun Ang !
- Iwan R Jayasetiawan: Kang Jojo Johari.Naon nu ngolecer teh ?
- Ahmad Yani: Nugraha Thea ! heu heu ...sumuhun Ang ! , persis siga jagong, jagong bangkok tea, nu amisna kareueut pisan ! he he he !
- Ahmad Yani: Aka Rohendi Pandeglang , halahhhh ...eta si aka !, dugi ka luluasan kitu, ngirim jempul mangrebu-rebu, ha ha ha ha , kade ah bilih seepeun kangge di bumi ! hi hi hi !
- Ahmad Yani: Hi hi hi hi sumpahna ge resep sim uing mah ka Ang Jojo Johari, teh !, hobina ningali kanu muih wae ! ha ha ha ha ha !. sigana nuju alit na resep numpak korsel !? hi hi hi ! Hatur nuhun Ang !
- Nana Sukmana: Sugema. Sugema maos ieu fikmin teh, Ang. Wareg asa kawakilan. Budah dibales luah! Cocog pisan. Top markotop, lah. Jempoloool, jempoool!
- Jojo Johari: Horseeeh! Tumpak korsel eung! heuheuheu!
- Ahmad Yani: Ang Nana Sukmana ! hatur nuhun kana apresiasina ! Ang !
- Ahmad Yani: Ang Jojo Johari ..heu heu .. Benten nu nuju alitna sok numpak korsel mah, rambutna sok garaling ! hi hi hi !